तुका दिवच्याक
मोगू दाखोवच्याक
पोरसांतुले झाडा वयलें
सगडापशी सोबीत फूल
मोडून हांवें दवरलें
पूण,
तू आयलोच ना
-उपहारू तुका आवडलोना काय?
बावलेले फुलाक
देखताना
पश्चाताप जालो
तुका दिवच्याक
मोग
दाखोवच्याक
फूल हांवें
काडिल्लें
झाडारसून
मोडिल्लें
आयू सरचें
फुडें तुंटयलें
ताका जिवेशीं
मारलें
हांवें घात
केलो
प्रिती तुजी
जोडपा खातीर
चुकी हांवें
केल्ली
पूण,
तूं आयलोच ना
फूल बावन
गेलें
आनी
हांवें शिराप
घेतलो
-हेंच तुका
साजता?
जगा खातीर तूं
दिल्लें
आनी-
तें तुका
आवडलेंना काय?
तूं दिल्लें
तें
तुकाच दिल्लें
देखून-
तो उपहारू
जायना काय?
तूं दिता
तुकाच दिता
आनी-
ही रिती साजना
काय?
तुका दिवच्याक
मोग
दाखोवच्याक
तूं दिल्लें
तुकाच दिवची
रिता तुका
साजना जाल्यार
तुका दिवच्याक
मोग
दाखोवच्याक
तूं नेणटा
काय आसा?
हांव तें सोदून
आसां
अजून हांव
सोदीत आसा..
