भरवंशाचो आदार
मोगाच्या थाऱ्याक
काळजाचो श्रृंगार
सपनांतल्या झऱ्याक
व्हांवते न्हंयेचे वाटेर
आशेचें किरण
चिंतनांच्या दोऱ्याक
सवस्तकायेचें मुणें
त्रासांचे वाटेर
फुलां भरून दोणे
संयम राखतल्यांचे
मजबूत कणे
ईश्वराच्या भक्तांक
सगलेंच सारकें
तुस्त तोखणाय
तशेंच उणेंदुणें
धर्तरेचेर धाडून आमकां
जिवीत दिलां ताणें
जाच्या मनांत आत्मविस्वास
थंय कितें उणें
ईश्वर जाका पावता
जाचे कश्ट फळटात
ताचें सुखी जिणें
No comments:
Post a Comment