भक्तीचो मळो फुलला
तुज्या शक्तीचो कळो फुलला
सातेर माये आदी माये
सासाय तुजी जागी
तुजेबगर कोण म्हजो
तूंच रावची लागीं लागीं
ममतेकू काळीज शिणलां
तुज्या मायेतू जीवीत विणलां
वेताऴदेवा भुतां खेवां
पांयां पोंदा घाल गा
बरीं पोतां खरीं सतां
वयर वयर काडगा
अरिश्टांचो पास तुटला
तुज्या दर्शनाचो ध्यास सुटला
रवळनाथा आदिनाथा
अनाथाच्या नाथा
पूत तुजो गायत आसा
दिव्य तुजी गाथा
खौशेचें वारें व्हांवलां
तुज्या उर्बेचें सारें गावलां
मंगेशा नागेशा
रामनाथा देवा
शांतादुर्गे-महालसा
मानून घे ही सेवा
उजवाडाचें रिण फेटलां
तुज्या दिवलेचो शीण पेटलां
भक्तीचो मळो फुलला
तुज्या शक्तीचो कळो फुलला
No comments:
Post a Comment