ताळ्याक म्हज्या सुमधूर स्वर दी देवा
कित्याक तुजी
व्हडवीक, तुजी कीर्त हांवें गांवच्याक!
मतींत
म्हज्या निर्मळ चिंतनां दी देवा
कित्याक तुजी
होगळीक धाराळ हांवें उच्चारच्याक!
दोळ्यांक
म्हज्या सूक्ष्म दृश्टी दी देवा
कित्याक
संवसारी फकत सर्व नितळ हांवें देखच्याक!
जिवाक म्हज्या
बरी शक्त दी देवा
कित्याक
भूलोकीं म्हजो खुरीस हांवें व्होंवोवंक सकच्याक!
जिबेक म्हज्या
त्राण घटाय दी देवा
कित्याक तुजी
पृथ्वी हांवें प्रबळ पाचारच्याक!
पांयांक
म्हज्या बळ थिरासाण दी देवा
कित्याक तुवें
सुचयिल्लें वाटेन हांवें चलच्याक!
कानांक
म्हज्या सुडाळ आयकुचें भाग दी देवा
कित्याक तुजें
गुणागान हांवें सरळ आयकुच्याक!
हृदयांत
म्हज्या निरंतर स्वास भर देवा
कित्याक शेवट
पर्यांत तुजें नांव हांवें गळसून होगळसुंच्याक!
अंतस्करणांत
म्हज्या भक्तीची शक्त दी देवा
कित्याक सदां
सर्वतां तुकां हांवें वरणूंक आनी हरसूंक!
आत्म्याक
म्हज्या निर्मळच दवर देवा
कित्याक
सासणाच्या सासणाक तो तुजोच उरोंक!
वोडतांत
म्हज्या सुंदर फुलां दी देवा
कित्याक तातूंतलीं
विंचणार तुज्या पांयां थळा दवरच्याक!
No comments:
Post a Comment