हळडुव्या सांजवेळा दीस देंवतना
हांसय वात
दिवलेंतली आस्त दिसतना।।
ताप भवाचो न्हिवलो, पडची जाली रात
उरतल्यांक दिवचे दिवन, रावले रिते हात
सोंपय पासेय पिरायेची, तृप्त आस्तना।।
घुससपतना प्रपंचांच, चुकली तुजी वाट
कळावाची ख्यास्त मना, आतां जगा फाट
वांगड नाका सवंगड्यांचो, ध्यान लागतना।।
आपोवणेच्या किण्ण खिणा, उरचो म्हजो हांव
एक तुजें भगवंता, दवर जिबेर नांव
न्हीद निमणी घाल तेन्ना, करतां प्रार्थना।।
No comments:
Post a Comment