आशे नाका काळजाक मोगा, मोगाक गिरायक आसत
खरशे नाका फांत्यापारार दिसाक काळोख दिसत
आशे नाका रायदिव्याक पण्ट्यो ल्हान आसत
खरशे नाका तेलां वोततां हात मोवाळ लासत
आशे नाका चंद्राक मोगा न्हवरे साबार आसत
खरशे नाका सुरवात करतां शेवटीं आशा बसत
आशे नाका सागराक मोगा व्हाळ लागीं आसत
खरशे नाका खार्या ल्हारार आशा वेगीं पुसत
आशे नाका मोतयांक मोगा कल्लां साबार आसत
खरशे नाका दर्याथळांत दर्यातोंड उसत
आशे नाका उबारायेक पांयांक थारे आसत
खरशे नाका पर्वताचेर पोंदलो दोंगर हांसत
आशे नाका काळजाक मोगा, ओंठ वोगो लासत
खरशे नाका खाडके खाला काळीज लेगून भेंसत
No comments:
Post a Comment