उ ઽઽ च्यूक म्हणून तें लिपलें
आनी
हांव अजून पिसो कसो सोदतां...
भुरगेपण
सोंपलें
जुवानपण
गेलें
आनी आतां हें जाणटेपण दारार मारता
हांव
सोदीत रावलां
ते
भुरग्या सारके लिकलिकपी दोळे
तीं
पेजाद थानां
तें
जाणट्यांचेय बारशें जेविल्लें शाणें नेणटेपण...
सोदतां
सोदतां
हांव
रानांत पावलो
झाडामुळांत
बसलों
बसल्या
जाग्यार म्हजीं पावलां
मुळा
वांगडा खोल खोल गेलीं
...आ ઽઽ हा ઽઽ हें कसले झरीचें
उदक
पांयामुळांतसून
रक्तान रिगलें
वयर
वयर चडत रावलें
सगळ्या
आंगाक खांद्यो फुटल्यो
तांतले
एके बळिस्ट खांदयेक लोबता तें फळ कसलें?
हो कोण ॲडम कसो म्हज्या पांयांसरीं बसला?
हांवें उ ઽઽ च्यूक केलें
आनी
फळ लिपयलें
No comments:
Post a Comment