Friday, July 17, 2020

कुणबीण – यशवंत केळेकार

तांबडेगुंज कापड ताजेर पाचवीच चोळी

गळ्यांत गळसरी आनी माथ्यांत पिसोळीं

कोंपरा वयर घालून चुडो

तांबडे ओंठ खावन विडो

कोणा पापयाक भुलोवंक वता कुणबीण सुंदरी।।

 

वांकडो घालो खंपो ताचेर चांफ्याचें फूल

शाण्यासुर्त्या चेड्यांक लागत तुका पळोवन खूळ

नदर वांकडी करूं नाका ओगीच भोंवी मोडूं नाका

लागत पिशें पळोवन आमची कुणबीण सुंदरी।।

 

धोलता तुजी काया कशी माडये वरी

भिरभिरता नदर कित्याक हरणा वरी

ओगीच जीव मोडूं नाका पावलां मेजून घालूं नाका

वांकडें पावल पडत सांबाळ कुणबीण सुंदरी।।

 


No comments:

Post a Comment

आबोलेच्या ओठांत - शंकर रामाणी

आबोलेच्या ओठांत तुज्या अमृताची जाप रसमाच्या काळ्या केसांत मनांतलें गे पाप ? शेरवडाचें पान तशें गोरेंच तुजें आंग दोळ्यांतल्या गे मळबाचो...