सकाळच्या फांत्यापारार
सुकण्याच्या संगितान
धुंद जालें मन
धरतरेचें जालें गगन
हांवूंय सर्गधन
सैमाची लागली तान
कुडीचेंच नाल्लें भान
सरभोंवतणीं समरस हांव
मंद पळय व्हांवता पवन
शेनाय सूर्त सप्त सूर
घंटी-नाद गिरीजाघर
अमुरपिके आंबुल्लेचेर
रविराया कंवळें कवन
कोगळेचो म्होंवा
मळो
शिंपीत वता मोग मळो
अदितीचो उकतो दोळो
विसवाचें नंदनवद
दिव्यप्रभा मळबा कांठार
परमळीत सगळो वाठार
रेंदरा ओंठार कोंकणी कांतार
आगळो एक साक्षात्कार
No comments:
Post a Comment