हड्ड्यार तुज्या थेयतां तकली
दोळ्यांची खीणभर लकता पापणी
गुपाट काळखांत लख्ख उजवाडाची
एक नवी पेट्टा पणजी आनी पुराय तनामनाक
चिरंतन शांतीची उपाट आनंदाची जाता प्राप्ती
खीणभर धर्तरी थिरावता
सूर्य, चंद्र, तारे, गिरे
पुराय ब्रह्मांड म्हजे वेंगेंत येता
हांगा थंय धडपड धडपड
वत माथ्यार इंगळ्यां रखरख
कश्ट कितलेय काडीन हांव
कांटे कितलेय माड्डीन हांव
ज्वालामुखी तोंडांत अमृताची धार
वेळाकाळार सोदीन हांव
नाका गिरेस्तकाय, नाका धन-दौलत
प्रेम तुजें खिणाचें
तेंच मोट्या सौभाग्याचें
प्राणांत शिंपडाय प्रेमामृत
तीच म्हजी तान आनी तीच म्हजी भूक!
No comments:
Post a Comment