संवसार सगळो रचलो उपरांत देवान एक नवल केलां
देश
एक वेंचून तातूंत दंवांत सपन रुजूंक घालां
सगळे
कडची हाडून माती लायल्यात वंश जाती काती
धर्मारोंपां
शिपून काडून पानां फुलांनी लायल्यात वाती
सगळ्या
दिकां जमोवन पाणी खेळयत जमीन केल्या जिती
कोंबायल्यात
जळामळा तरेकतरा रितीनिती
रंगयाळे
भेस, भासो परमळीत फुलां-फळां
सुगान
युगां घोळत हांगा अपरुपाचें पोरसूं केलां
भोंवडालां
भोंवतीं ताच्या साताय समुद्रांचेंं वारें
हुतात्म्यांचीं
कांडून हाडां मुळा ताच्या घालां सारें
पर्वकाळ
आयलो तसो फाटीक ताचे लागून गरो
दीसरात
फरिता राट रक्ताच्यो न्हायत धारो
म्हळें,
देवा देशाक म्हज्या लायला असो कित्याक गोळा
देवान
म्हळें, नवो मनीस घडूंक घाल्या प्रयोगशाळा
पयली
आयट पयरूच जाल्या जगान म्हळी पयली नांदी
फायचो
मनीस जावचो कसो कालूच दाखोवन गेला गांधी
No comments:
Post a Comment