सकाळ सकाळीं नवीं किरणां फांकतना
दिसलें तुजें
पुनवरूप चंद्र लिपतना
वाट तुजी वळटा
थंयच कांयच दिसलेंना
छबी एकूच
दिसली तालान पावलां मारतना
सांगूं कशें घडलें
कितें मन फुलतना
नखलामेन लजलें
फूल भंवर भोंवतना
आंब्या रुखार
फुल्लो चंवर कोगूळ गायतना
काळीज लागलें
ताल धरूंक शेनाय वाजतना
लागली नदर
पावलां मेजूंक चलता चलतना
खेळ्ळी विणी
बोटा बोटांत भुजडार देवतना
भरले जिणेंत
पुर्वरंग किरणां फांकतना
सपनां खेरीत
आयलीं नाचत वाजयत पांयजणां
No comments:
Post a Comment