मन ब्रह्मांड उंचाय
मन ब्रह्मांड खोलाय
मन अनंत अमाप
मन चैतन्य निळाय
मन प्रार्थनेचें घर
तातूंत तल्लीन देव
परब्रम्हाची करणी
जो नियंती एकमेव
उत्कांत-उत्थाना धागे
विणटा वस्त्र जिणेचें
प्राक्तनाचें भांडवल हें
जिणे वैभव नवलायेचें
सैमसृश्ठ चराचर जिवें
ही ताचीच गा सासाय
आपुणूच आपल्याचो
आसता खरो गवाय
खीण खीण योगब्रम्ह
जाल्या कूड उत्तेजीत
आतां उणें कांयच ना
हांव म्हाकाच भोगीत
No comments:
Post a Comment