इश्वराचे तेज सदां
भितर म्हजे नंदता
उतरा उतराक पावला कणीक
नवी वाट गायता।।धृ।।
तेजवंत देवा म्हज्या
त्रैलोक्याच्या राया म्हज्या
दर एका वळणा वेळार
हाताक म्हज्या धरता ।।1।।
सोशींकताये माये म्हजे
भवसागरांतले नावे म्हजे
सुकते आनी भरते वेळार
स्फूर्त म्हज्यांत भरता।।2।।
कोटी सूर्य प्रकाशमया
ज्ञान आनी सज्ञानमया
दर दिसा शांती सुसेग
कृपादान करता
सगूण निर्गूण निराकारा
परम पिता सर्वेश्वरा
निमाण्या वेळार मुक्ती दिवन
आपल्या रुपांत व्हरता
No comments:
Post a Comment