आलतडच्यान साद उले
पलतडच्यान नाद वले
कितलो सोंसूं विरह तुजो
आतां येत मागीर येत
अजून कितली वाट पळोवं
वाटेकूच फुटल्यात दोळे
रकलीं दुकां, मुदये थिकां
खंय कशी सांबाळ करूं
तुजे अस्वडीं रातदीस
यादींचे तोपतात भाले
यादींच्या वज्याक तुज्या
कितलो वगत माथें मारूं
दोळ्यांतले न्हंयेक म्हज
हुंवार उपाट आयले
काळीज तुजें कित्याक पाशाण
म्हजें मात उरलें मेण
फायचो दीस गेलो जाल्यार
पावत घडये दिवले मालें
आलतडच्यान साद उले
No comments:
Post a Comment