म्हजे धुवे म्हज्या पुता
तुमी आमचे इश्ट
आमचे हांडी वयले तुमी
आतां आमच्या खांदार उबे,
हातुंतूच आमकां खोस.
आमचीं सपनां तुमच्या दोळ्यांत
भरपाचे दीस केन्ना सोंपले
तुमच्या दोळ्यांनी आमी तुमचीं
विशाळ सपनां पळयतात
हातुंतूच आमकां खोस.
आमच्या मळबाक आतां शीम-मेर
तुमच्या अमर्याद मळबांत
भोंवपाक तुमचे पांय थीर करप
हातुंतूच आमकां खोस
तुमच्या बोटाक धरून तुमकां
चलोवपाचे दीस केन्ना सोंपले
तुमी घडयिल्ले नवे वाटेन
चलतना तुमकां तेळत रावप
हातुंतूच आमकां खोस
No comments:
Post a Comment