शिमिटाचे घोंटेर
पावला पावला वाटेर
शिमिटाच्या फोंडकुलांनी
हांगा, घरां-दारां भिणकुलां
कोण जाणा खंय कोणाचें
भाग्य कशें वणखलां
पांयांक बांदूंक
रोदां लोक
चल्ला खंयचे वाटे
कोण म्हणटा
चल्ल्यात हात
चल्ल्यात पोटा भेटे
खंय पोटाचो
देंठ आनी खंय देंठांक
फुलता फूल
फुला माजार
खंयचे सुवाते
सांगात भुकेक
पडटा भूल
कितली वाट जाणा!
वाटेक
दवरण्यांनी भूक
भुके सय
भोंवतणीं
तट्ट्टून
फुलता दुख्ख
भूख पेखोवन
हात जांणी
हात मातशे
वावुडले
तांणी पुता
शिमिटाचे
घोंटेर खिणांत
घडले
ही वाट
घोंटेरांची
काय
ही पोटाची खाट
कोण म्हणटा
म्हणटा हांगा
हांगा कळी घाट
कांय कळना
हांगा
कसली कळ
चलचळून येता
धाय दिकांनी
हुरपट्यांनी
मनीस झोंपोवन घेता
असली वाट
असली तीट
असलो कळी घाट
आंगार,
खांदार, तोंडार
हांगा
व्हांवता पोटा
पाट...
No comments:
Post a Comment