जेजू म्हजो आयलो परत - मनोहरराय सरदेसाय

जेजू म्हजो जावन पिसो

आमचे मदीं आयलो परत

 

किरणांचो भेस करून

काळखाचें थडें फोडून

मरणाचेर जैत जोडून

जेजू म्हजो आयलो परत.

 

जावन मनीस सोंसलीं दुख्खां

धरतरेचीं सोडलीं सुखां

हड्ड्यांतलें काळीज पिळून

तानेल्ल्याक दिलें रगत

जेजू म्हजो आयलो आयलो परत

 

सगले घाये गेले पेखीन

सगलीं दुकां गेलीं सुकून

आयज खिळे जावन

फलती पळय परमळत

जेजू म्हजो आयलो परत

 

सुकण्यांनो किलबिलात

घांटींनो किनकिनाट

नखेत्रांनो लिकलिकात

निशेरेल्ल्यांनो मनामनांत

उजवाडाचें सपन विणात

 

आयज जेजू जितो जावन

आमचे मदीं आयलो परत