भावा तुज्या पोरसा भितर
लाख लाख फुल्ल्यां फुलां
तांचें म्होंव काडीत कोण ?
तुजें उशेल तुजे मुखार
उसा-रोस काडीत कोण ?
भांगरा रोस आटोवन ताजी
गोड साकर गाळीत कोण ?
कितलो पिशी भायलो सोरो
घरचो सोरो कितलो बरो
अमृताचो हांडो फोड
लायलो हांवें ओठांक पेलो
काळजा नवो हावेस दिलो
नवी जीण दिसली फुडें
आनी घरची लागली ओड.
Saturday, September 23, 2023
भावा तुज्या पोरसा भितर - मनोहरराय सरदेसाय
Subscribe to:
Post Comments (Atom)
No comments:
Post a Comment