सपनांतली सोबीत राणी
उजवडट्ट्यार लिपली खंय ?
हांसो फुलांचो पोरसांतल्या
दिसपट्टेर गेलो खंय ?
सपन म्हजें, म्हजी प्रीत
हेत म्हजो, म्हजें गीत
वचूं उबून गोबोर तांचो
ना आतां म्हाका भंय !
संवसाराचो हो खेळ
सपन, जीण – कसलो मेळ ?
धव्याफुल्ल हांशाचेर
मर्णाची काळी सय !
तरी नज आतां भरूं
जिणेचें पिशें तारूं
अशेंच व्हावन वचप फुडें
हुंवारी व्हाळांतली पोंय !
Saturday, September 23, 2023
जिणेचें तारूं - मनोहरराय सरदेसाय
Subscribe to:
Post Comments (Atom)
No comments:
Post a Comment