फांत्यापारार झिळमिळ्यार
का s करती कावळे झाडार
पडल्यां तशीं हांतुणार
मनांत म्हज्या येतात विचार
फुलांत फुलां जायांची
भासांत भास कोंकणी तशी
न्हय ती बोली मराठिची
आवय भास गोंयकारांची
उलोवंक आवयन शिकयली
जाणकारांनी तिगयली
वोपारींचो साज घालून
ताणीं तिका सोबयली
जांव काळी, जांव गोरी
आवयक दिसतात भुरगीं बरीं
तेच नदरेन पळेयात
आवय भाशेक वयर काडात
अमृताची गोडी जशी
कोंकणी कानांक लागता तशी
जिवाक म्हज्या एकच ध्यास
No comments:
Post a Comment